Canti


EVVIVA U CRISTU




Evviva u Cristu, nostru Salvadore, nostru Redentore,
Evviva Ghjesù.

Fratelli cantate

Cun dolci accenti

Da Diu mandatu,

S’incarna Ghjesù.



Da leve in leve

U mondu aspittava,

A ghjunta bramava,

Evviva Ghjesù.



Sti cori beati

Cun inni di gloria

Cantenu vittoria,

Onore è virtù.



È sempre svegliati

Lumere accese,

Cun cori allegri

Cantemu Ghjesù.



Cantemu u Cristu

Inviatu à u mondu

À sparghje a pace,

Evviva Ghjesù.



Signore putente

In li nostri cori

Manda lu Spiritu,

Per nun piccà più.

 

PER STU PANE

Si pò cantà pà l’uffertoriu o pà a cummunione.

Per stu pane d’ogni ghjornu, cunsacratu in le to mane, eiu credu.
Per stu vinu d’ogni ghjornu, binadettu in le to mane, eiu credu.

Per quellu chì hè luntanu, è s’avvicina di tè, eiu credu.
Per quellu chì chjama in vanu, è si ricunnosce in tè, eiu credu.

Per l’acqua di le funtane chì ci lava d’ogni male, eiu credu.
Per lu chjoccu di e campane musica universale, eiu credu.

Per a mamma addulurata chì canta la so prighera, eiu credu.
Per a terra addisperata chì cerca la so lumera, eiu credu.

Per lu agnellucciu chì pasce in lu pratu di a sperenza, eiu credu.
Per lu zitellu chì nasce in l’alba di a fratillenza, eiu credu.

In lu Babbu unniputente, u Figliolu incarnatu, eiu credu.
In lu Spìritu clemente, Diu di l’abbandunati, eiu credu.

In Maria immaculata, mamma di li straziati, eiu credu.
Per a pace tant’amata, quella di u Crucifissatu, eiu credu.

À a messa di i morti si finisce cù:
Per li povari in lu mondu chì a miseria addulisce, eiu credu.
Per lu dulore prufondu di a vita chì finisce, eiu credu.




CANTU EUCARÌSTICU
(adattatu da u Pange Lingua)

Si pò aduprà stu cantu per a Ripusizione di u Santìssimu Sacramentu u Ghjovi Santu, per a cumunione o per altre necessità in leia cù misteru eucarìsticu. Si pò cantà nant’à i versi tradiziunali o cunnisciuti di u Pange Lingua è di u Tantum Ergo.

O fratelli, pruclamate
U misteru di u Signore,
Di u so Corpu, di u so Sangue
Chì a Vèrgine dunò
È fù sparsu in sacrifiziu
Per salvà l’umanità.

Datu à noi da Madre pura,
Per noi tutti s’incarnò.
Feconda a so parolla
In lu mondu suminò;
Cun amore generosu
A so vita cunsumò.

In la notte di a Cena
Cù i fratelli si truvò.
Di u ritu pasquale
Ogni règula urdinò
À l’Apòstuli amati
Cum’è cibu si regalò.

A parolla di u Signore
Pane è vinu trasfurmò:
pane in carne, vinu in sangue,
in mimoria cunsacrò.
Sta verità ùn sò i sensi
Ma a fede chì l’insignò.

Aduremu u Sacramentu
Chì Diu Padre ci hà datu.
Novu pattu, ritu novu
In la fede cunsacratu.
À u misteru hè fundamentu
U so Verbu incarnatu.

Gloria à u Padre unniputente,
À u Figliolu Redentore,
À a carità eterna,
Lode grande, tamantu onore.
À a Trinità Santa!
Gloria mensa, eternu amore.
Amen.

INNU À MARIA, REGINA DI A CORSICA



Dio vi salvi, Regina
E Madre universale
Per cui favor si sale
Al Paradiso.

Voi siete gioia e riso
Di tutti i sconsolati
Di tutti i tribolati
Unica speme.

A voi sospira e geme
Il nostro afflitto core
In un mar di dolore
E di amarezza.

Maria, mar di dolcezza
I vostri occhi pietosi,
Materni ed amorosi
A noi volgete.

Noi miseri accogliete
Nel vostro santo velo
E il vostro Figlio in cielo
A noi mostrate.

Gradite ed ascoltate
O Vergine Maria,
Dolce, clemente e pia,
Gli affetti nostri.

Voi dai nemici nostri
A noi date vittoria
E poi l’eterna gloria
In Paradiso.

Le grazie tue divine
Spargi con man cortese
Sul popolo calvese
A te divoto.


Giuseppe a l’agonia,
Ci assisti con Gesù
E con Maria.
 


SUNATE CAMPANE CORSE



Sunate campane corse,
Sunate in allegria,
Cantate o ghjesgie corse,
Per a Vergine Maria.

Sunate campane corse,
Ùn stanciate di sunà,
Sunate campane corse
Per a nostra umanità.

Di a fede lu rampale,
Chì fideghja la marina,
Bellu tempu o timpurale,
Ci prutegi o Regina.

Cara Vergine Maria
Mamma di li scunsulati
Vergine clemente è pia
Succorri li spatriati.

Prega l’Assunta in celu,
Corsu di Santa Maria,
Prega per noi fratellu,
Prega la nostra divina.

È quandu la notte nasce
In la cima di li monti,
Versu stu locu di pace
Giremu li nostri fronti




O VÈRGINE MARIA

O Vergine Maria,
Mamma di la giuvintù,
Lu to nome ellu sia
Laudatu sempre più.

O Vergine Maria,
Stella chì luce quassù
Insegnaci la via,
Quandu l’omu ùn spera più.



O Vergine Maria,
Santa mamma di Ghjesù,
Dolce, clemente è pia
Sempre laudata tù.

O Vergine Maria,
Tù a stella di a Sarra,
Guarda la to famiglia,
Sia per tè sempre cara.

SANT ANTONE ABBATE

Lode

Laudatu sia Antone
U nostru gran prutettore;
U core di lu Signore
À noi dacci.(bis)

O nobbile egizzianu,
Tù l’erede furtunatu,
Di casale è di pratu
Facesti donu.

È à li disgraziati
Le to ricchezze spartisti,
In lu disertu partisti
Miseru è solu.

Beata fù la to scelta
À fatti paisanellu,
A zappa è lu rastellu
Ti sò bastati.

Lu cantu è la prighera
Funu elli li cumpagni
Di gioie eppò di lagni
A to vita sana.

Di lu fieru tentatore
Sfidasti lu turmentu
Senza puru lamentu
Opposti fiatu.

À li giovani spapersi
À circà à Diu in vanu,
Purghjisti la to manu
Cunsulatrice.

Nimicu di li cuntrasti
À li to ragiunamenti
Assai funu attenti
Pochi pentuti.

O abbate gluriosu
Nascinu li to cunventi
È da tanti penitenti
Fusti siguitu.

Laudatu sia Antone
U nostru gran fundatore,
Ti fanu à tè onore
I cunfratelli.

Da lu santu Paradisu
U dulore fallu tace,
Manda salute è pace
È fede in Diu.

Franca la nostra Balagna
Da lu ruvinosu focu,
Fà chì sempre ogni locu
Sia prusperu.
 

O Beata Ristiduta


R/ O beata Ristiduta,
tù, splendore di santità,
Ognunu quì, ti saluta,
d’ellu sai a fideltà.

Addirizzi versi u celu
Li to ochji tantu pietosi
Chì à unurà u Vangelu
Ti sò stati prestu chjosi.

Puru la to manu tesa
À Diu aiutu chere;
À u pesu di l’offesa,
Opponi tante prighere.

Cunvinta di la to fede,
Lasci titulu è favore,
Solu lu to sguardu vede,
Cristu, nostru Redentore.

Tù, la nobbile rumana,
Senti di u Padre a chjama:
In la terra africana,
Porti la so santa fiamma.

Ti voli lu tistimone
Di lu passatu divinu,
Seguiti di la passione,
Curagiosa, lu caminu.

Un nome sacru di Gesù
T’hè signatu in lu core,
Malgradu la to giuvintù,
Per Ellu sì pronta à more.

Nun temite lu furore
Voi, li sei cumpagni,
Di Pirriu persecutore
Ch’aspetta li vostri lagni.
À cumbatte l’incridente,
Listessa sorte subbite,
A vittoria, veramente,
La suprana, cunniscite.

A palma è le scritture,
Ci insegnanu st’urnamenti
Di le vostre e turture,
Li priziosi fundamenti.

Postu chì state vicinu
À la Vèrgine Maria,
Or fate chì lu distinu
D’ogni umanu bellu sia.

Màrtire miraculosa,
Salva li nostri paesi,
Di l’accidia ruvinosa,
Ch’elli sianu difesi.

Patrona di Calinzana
È di la stesa Balagna,
Di u casticu alluntana
U mare è a muntagna.

À tè, ti si ricumanda
Tutti li nostri malati,
Le to sante grazie spanda
À sanà l’addisperati.

Dacci tù, la nostra Santa,
La virtù chì fù la toia,
A sperenza chì ci manca
D’ottene l’eterna gloria.

Ristiduta generosa,
Risanadore San Biasgiu,
Chì in la pieve valurosa,
Ci luci lu vostru ragiu.

Ristiduta beata

R/ Ristiduta beata, sposa di Cristu, vèrgine è santa.

Fiore d’altu ligname,
di u to core ai cunsacratu,
À Diu e prime fiamme.

In tè, a nubbiltà cristiana
Oramai hà supranatu
A nubbiltà rumana.

Pè a santa religione,
di u to sangue ai bagnatu
u nostru rughjone.

Sè una grande faccindona”
Dicianu l’antichi,
nostra santa patrona.

Palesa a to prisenza
À a dolce Balagna
Chì ti chere assistenza.

Cun fede è divuzione,
Ci mittemu à l’aggrondu
Sott’à a to prutizzione.

Fà, in le nostre cuntrate
Cù a fede di Cristu,
ch’ella regni a pace.

È cun tè cantaremu:
Gloria à u Padre, à u Figliu
È à u Spiritu Santu.
 

INNU À SAN VINCENTE
(nant’è u versu di Sunate Campane corse)


R/. San Vincente prutettore
Di le vigne di Balagna
Ti cantemu cun fervore
Da la piaghja à la muntagna.


1. O Vincente gluriosu
In la to Spagna nativa
Ti sì datu generosu
Per a parolla divina. R/.

2. Tù lu màrtire di Diu
Di lu straziu è lu terrore
Di quellu Rumanu impìu
N’ai fattu lu t’onore. R/.

3. A curona è a palma
Per tè San Vincente amatu,
È per la to santa salma
Mirra è incensu prufumatu. R/.

4. O fratelli pruclamate
Di u Cristu la vittoria
È di Vincente cantate:
Santità, virtù è gloria! R/.

5. Noi cantemu à Vincente
Ch’ellu ci insegni la strada
Di lu Spìritu clemente,
Cù Maria Immaculata. R/.

6. In Citadella aduniti
Li maestri vignaghjoli
Preganu tutti uniti
Per li calzi è li maglioli. R/.

7. Di le vigne balanine
Fanne di vinu un tisoru,
Niellucciu è virmintinu,
Gaspe chì valenu oru. R/.

8. Le tarre di stu paese
Sò di li più gran valori
Fà ch’elle sìanu rese
À li nostr’agricultori. R/.

9. O beatu San Vincente
Stà à sente e nostre voce:
Franca tutta a nostra ghjente
Da lu piccatu feroce. R/.

10. Laudate à San Vincente,
Ùn piantate di cantà
Un servu cusì ardente
Mudellu di santità. R/.

11. À San Vincente cantemu
Alligria è fratillanza,
È à Diu dumandemu:
Fede, carità, spiranza. R/.

12. Di San Vincente vulemu
Cantà l’incurunazione,
È di Cristu celebremu
A so Santa Incarnazione. R/.

13. O Cristu nostru Signore
Ti prighemu cun ardore,
Rendi l’omu più pietosu,
Diu misericurdiosu! R/.

14. T’impluremu o Santu Diu
In le gioie è in li guai,
Lu to amore divinu
Ùn lu ci ricusà mai. R/.

15. È à la giuvintù corsa
Chì ti cerca è chì spera,
In Tè sempre dalli forza
Di a fede, di a prighera. R/.

16. Fà nasce in sta cuntrata
A cuncordia è l’armunia,
A santa pace bramata
In Balagna è cusì sìa. R/.
 

 

Aucun commentaire:

Enregistrer un commentaire